Hot News: July 2013

Saturday, July 27, 2013

គជប អះអាងថា ទឹកខ្មៅជ្រលក់ដៃអ្នកបោះឆ្នោត មិនអាចលុបជ្រះបានទាំងស្រុងនោះទេ

លោកអ៊ឹម សួស្ដី ប្រធាន គជប នៅក្នុងសន្និសីទកាសែតស្ដីពីការបោះឆ្នោតជាតិនីតិកាលទី៥ កាលពីថ្ងៃទី២៧កក្កដា ឆ្នាំ២០១៣

ឆ្លើយតបទៅនឹងការរកឃើញរបស់អង្គការ អង្កេតការណ៍បោះឆ្នោត ខុមហ្វ្រែល ដែលទើបតែរកឃើញថា ទឹកខ្មៅជ្រលក់ដៃអ្នកបោះឆ្នោត អាចលុបលាងជ្រះនោះ កាលពីល្ងាចមិញនេះ លោក អ៊ឹម សួស្ដី ប្រធានគណៈកម្មាធិការជាតិរៀបចំការបោះឆ្នោត បានអះអាងថា ទឹកខ្មៅជ្រលក់ដៃអ្នកបោះឆ្នោត មិនអាចលុបបានទាំងស្រុងទេ។

លោក អ៊ឹម សួស្ដី ប្រធានគណៈកម្មាធិការជាតិរៀបចំការបោះឆ្នោត បញ្ជាក់ម្ដងហើយម្ដង ទៀតថា ទឹកខ្មៅជ្រលក់ដៃអ្នកបោះឆ្នោត មិនអាចលុបជ្រះបានទាំងស្រុងទេ។

ការបកស្រាយបញ្ជាក់របស់ គជប នេះ ធ្វើឡើងនៅក្នុងសន្និសីទសារព័ត៌មាន កាលពីល្ងាចថ្ងៃទី២៧កក្កដា ក្រោយពេលអង្គការអង្កេតការណ៍បោះឆ្នោត ខុមហ្វ្រែល ប្រកាសឲ្យដឹងពីលទ្ធផលនៃការធ្វើតេស្តន៍សាកល្បងគុណភាពទឹកខ្មៅ ជ្រលក់ដៃអ្នកបោះឆ្នោត។ លទ្ធផលដែលបង្ហាញឲ្យឃើញថា ទឹកខ្មៅជ្រលក់ដៃអ្នកបោះឆ្នោត គឺអាចលុបលាងបាន។

បើតាមលោក គល់ បញ្ញា នាយកប្រតិបត្តិអង្គការខុមហ្វ្រែល ទឹកខ្មៅជ្រលក់ដៃដែលអាចលុបលាងជ្រះនេះ នឹងផ្ដល់ឱកាសដល់ជនទុច្ចរិតមួយចំនួន ដែលមានបំណងបន្លំបោះឆ្នោតពីរបីដង។ ការបោះឆ្នោតពីរ បីដងនេះ ត្រូវបានលោកអះអាងថា អាចធ្វើទៅបាន ដោយសារតែបញ្ជីឈ្មោះអ្នកបោះឆ្នោតសព្វថ្ងៃមានឈ្មោះស្ទួនជា ច្រើន។

ចំណែកលោកទេព នីថា អគ្គលេខាធិការ គជប បានទទួលស្គាល់ជាចុងក្រោយថា ធាតុពិតទៅ ទឹកខ្មៅនេះ វាជាល្បាយសារធាតុគីមី ហើយវាក៏អាចលុបលាងជ្រះទៅវិញ ដោយប្រើសារធាតុគីមីដែរ។ យ៉ាងណាក៏ដោយ លោកទេព នីថា ឲ្យដឹងថា បញ្ហាទឹកខ្មៅអាចលាងជ្រះនេះ មិនមែនជាបញ្ហាដែលគួរបារម្ភទេ។ អគ្គលេខាធិការរូបនេះបន្ថែមថា មិនមែនមានតែទឹកខ្មៅនេះទេ ដែលអាចការពារការបោះឆ្នោតពីរបីដងបាននោះ។ នៅមានឯកសារបញ្ជាក់អត្តសញ្ញាណអ្នកបោះឆ្នោត និងបញ្ជីឈ្មោះបោះឆ្នោតជាដើម ដែលសុទ្ធតែរួមចំណែកបង្ការ និងការពារ ការបន្លំបោះឆ្នោតច្រើនដងបាន៕(RFI)

Samsung លក់ស្មាតហ្វូនបាន ៧៦លានគ្រឿងក្នុងត្រីមាសទី២

ក្រុមហ៊ុន Samsung Electronic របស់កូរ៉េ លក់ស្មាតហ្វូនបាន ៧៦លានគ្រឿង នៅក្នុងត្រីមាសទី២ ដែលកើនឡើង ៣៣,១ភាគរយ នេះបើយោង តាមការស្រាវជ្រាវ Strategy Analytics នៅព្រឹកថ្ងៃសុក្រនេះ។
ក្រុមស្រាវជ្រាវខាងលើ បាននិយាយថា ទីផ្សារស្មាតហ្វូននៅលើ ពិភពលោកបានកើនឡើង ៤៧ភាគរយ សរុបទាំងមានចំនួន ២២៩,៦លានគ្រឿង ដែលនៅក្នុងនោះក្រុមហ៊ុន Samsung ជាអ្នកដែលលក់ ស្មាតហ្វូនបាន ច្រើនជាងគេ។
ប្រភពដដែលបានបន្តទៀតថា ក្រុមហ៊ុន Apple ជាអ្នកឈរនៅ លេខរៀងទី២ បន្ទាប់ពី Samsung ដោយមាន ១៣,៦ភាគរយនៃ ស្មាតហ្វូនសរុប ដែលនៅក្នុងនោះលក់ iPhones បានចំនួន ៣១,២លានគ្រឿង ចំណែកក្រុមហ៊ុន LG, ZTE និង Huawei ជាអ្នកឈរនៅ លេខរៀងបន្តបន្ទាប់៕(DAP)

កម្មការិនីរោងចក្រ ឃ្យូ អឹុម អាយ ជាង100នាក់ដួលសន្លប់បន្តបន្ទាប់

ខេត្តកណ្តាល ៖ កម្មការិនីរោងចក្រកាត់ដេរយីហោ ឃ្យូ អឹម អាយ ចំនួនជាង១០០នាក់ បានដួលសន្លប់ជាបន្តបន្ទាប់គ្នាទាំងព្រឹកនៅក្នុងខណៈពេលដែលពួក គេកំពុងបំពេញការងារ ។ កម្មការិនីដែលដួលសន្លប់ ត្រូវបានគេដឹកតាមរថយន្តរោងចក្រនិងរថយន្តពេទ្យនាំទៅសង្គ្រោះ បន្ទាន់នៅក្នុងមន្ទីរពេទ្យក្នុងស្រុកអង្គស្នួលភ្លាមៗ ។ ហេតុការណ៍នេះ បានបង្កឱ្យមានការភ្ញាក់ផ្អើលឡើង កាលពីវេលាម៉ោង៨និង១០នាទីព្រឹកថ្ងៃទី២៦ កក្កដា នៅក្នុងរោងចក្រកាត់ដេរខាងលើដែលមានទីតាំងស្ថិតនៅតាមបណ្តោយ ផ្លូវជាតិលេខ៤ ក្នុងភូមិត្រយឹង ឃុំពើក ស្រុកអង្គស្នួល ។

តាមប្រភពព័ត៌មានពីក្រុមកម្មករបានឱ្យដឹងថា នាព្រឹកថ្ងៃកើតហេតុនោះនៅក្នុងរោងចក្រកាត់ដេរឃ្យូ អឹម អាយ មានកម្មករ-កម្មការិនីធ្វើការជាង៦.០០០នាក់ ។ ពួកគេធ្វើការងារជាធម្មតាដូចរៀងរាល់ថ្ងៃដែរ ប៉ុន្តែមួយសន្ទុះក្រោយមកស្រាប់តែមានកម្មការិនីចំនួន៣នាក់ មានអាការមិនស្រួលខ្លួនដោយតឹងណែនទ្រូងនិងទន់ដៃជើង ព្រមទាំងងងឹតមុខរួចក៏ដួលសន្លប់តែម្តង ។

ប្រភពដដែលបន្តថា ភ្លាមៗនោះកម្មការិនីទាំង៣នាក់ត្រូវបានគេបីចេញពីក្នុងរោងចក្រ កាត់មុខក្រុមកម្មករ កម្មការិនី រាប់ពាន់នាក់ ក៏បង្កឱ្យមានការភា្ញក់ផ្អើល ឆោឡោនិងជ្រួលច្របល់ពេញក្នុង រោងចក្រ ។ បន្ទាប់ពីឃើញបីអ្នកដែលដួលសន្លប់ចេញ កម្មការិនីផ្សេងៗទៀតមានការភិតភ័យក៏បានដួលសន្លប់ជាបន្ត បន្ទាប់ថែមទៀតធ្វើឱ្យចំនួនអ្នកដួលសន្លប់កើនឡើងដល់៧៥នាក់ ។

ប្រភពដដែលបានបន្តទៀតថា កម្មការិនី ទាំងនេះត្រូវបានគេបញ្ជូនទៅសង្គ្រោះបន្ទាន់នៅក្នុងមន្ទីរ ពេទ្យស្រុកអង្គស្នួល ហើយទោះបីជាមានការចលាចលពេញក្នុងរោងចក្របែបនេះក៏ដោយ ក៏ខាងរោងចក្រមិនបានអនុញ្ញាតឱ្យកម្មករ កម្មការិនី ដែលមិនសន្លប់ឈប់សម្រាក និងចាកចេញទៅផ្ទះវិញឡើយ គឺបានឱ្យបន្តធ្វើការទៀត។ លុះរយៈពេលប្រមាណ១ម៉ោងក្រោយមក ក៏មានកម្មការិនីដួលសន្លប់ថែមបន្តបន្ទាប់ទៀតសរុបរហូតដល់ ជាង១០០នាក់ និងកាន់តែធ្វើឱ្យមានភាពចលាចលខ្លាំងឡើងៗ ប៉ុន្តែខាងរោងចក្រនៅតែមិនបានបិទទ្វារជាបណ្តោះអាសន្នដដែលគឺ ឱ្យកម្មករធ្វើការរង់ចាំដល់ពេលល្ងាច នឹងបើកលុយឱ្យសម្រាប់ការធ្វើដំណើរទៅបោះឆ្នោត ។

ទាក់ទិនទៅនឹងហេតុការណ៍កម្មការិនីដួលសន្លប់ នេះគេនៅមិនទាន់បានដឹងពីមូលហេតុនៅឡើយទេ ប៉ុន្តែជំហានដំបូងគេសង្ស័យថា បណ្តាលមកពីសុខភាពកម្មករមួយផ្នែក និងមួយផ្នែកធំទៀតដោយសារតែបញ្ហាបរិស្ថានរួមផ្សំជាមួយនឹង ជាតិគីមីក្រណាត់នៅក្នុងរោងចក្រផងដែរ ។ នាព្រឹកនោះសមត្ថកិច្ចមូលដ្ឋានក៏បានចុះទៅកាន់កន្លែងកើត ហេតុដើម្បីពិនិត្យមើលពីស្ថានភាពជាក់ស្តែងភ្លាមៗដែរ ៕(KOH)

Saturday, July 6, 2013

ជម្លោះពាក្យសម្តីរហូតផ្ទុះអាវុធ ជនសង្ស័យ២នាក់សមត្ថកិច្ចឃាត់ខ្លួន

រាជធានីភ្នំពេញ៖ បន្ទាប់ពីមានការផ្ទុះអាវុធក្នុងហេតុការណ៍ប៉ះទង្គិចគ្នាជាមួយ សកម្មជនគណបក្សសង្គ្រោះជាតិកាលពីវេលាម៉ោង៧ និង១០នាទីយប់ថ្ងៃទី៥ កក្កដា ២០១៣ នៅចំណុចផ្ទះលេខ៩ ផ្លូវ១៣៥ សង្កាត់ផ្សារដើមថ្កូវ ខណ្ឌចំការមន គេឃើញមានសមត្ថកិច្ចចម្រុះដឹកនាំផ្ទាល់ដោយលោកស្នងការនគរបាល រាជធានីភ្នំពេញ ជួន សុវណ្ណ និងលោកមេបញ្ជាការកងរាជអាវុធហត្ថ យ៉ា គឹមអ៊ី ក៏បានចុះទៅកាន់កន្លែងកើតហេតុភ្លាមៗផងដែរ ដោយឃាត់ខ្លួនបានមនុស្ស៤នាក់ តែដល់ពេលសាកសួរមានតែ២នាក់ប៉ុណ្ណោះដែលពាក់ព័ន្ធ ។ ជាមួយការទៅដល់របស់សមត្ថិកិច្ចនេះ តំណាងរាស្ត្រគណបក្សសង្គ្រោះជាតិមណ្ឌលភ្នំពេញរួមមានលោកហូ វណ្ណ, យឹម សុវណ្ណ និងលោកិដាំ សិដ្ឋ ក៏បានចុះទៅកាន់កន្លែងកើតហេតុផងដែរ ។

ជនសង្ស័យដែលសមត្ថកិច្ចឃាត់ខ្លួន ១-ឈ្មោះអ៊ុង ច័ន្ធថន អាយុ២៦ឆ្នាំ ជាមន្ត្រីកងរាជអាវុធហត្ថខេត្តកណ្តាល ២-ឈ្មោះឃី គឹមលន់ ជាមន្ត្រីកងរាជអាវុធហត្ថលើផ្ទៃប្រទេស ។

តាមប្រភពព័ត៌មានមុនពេលកើតហេតុ ក្រុមជនសង្ស័យបានធ្វើពិធីខួបកំណើតនៅភូមិគ្រឹះគ្មានលេខ ដែលគេស្គាល់ថា ជាផ្ទះរបស់លោកឧកញ៉ាឃី គឹមលន់ នៅតាមបណ្តោយផ្លូវ១៣៥ សង្កាត់ផ្សារដើមថ្កូវ ហើយនៅពេលដែលក្បួនឃោសនាគណបក្សសង្គ្រោះជាតិមកដល់មុខភូមិ គ្រឹះ (របងផ្ទះមានបិទស្លាកគណបក្សប្រជាជនកម្ពុជា) ក៏បានស្រែកដៀមដាមដាក់រហូតទប់កំហឹងមិនបាន ភាគីទាំងពីរក៏មានការប្រវាយប្រតប់គ្នារហូតឈានទៅដល់ការ ផ្ទុះអាវុធតែម្តង ។

ទោះបីជាយ៉ាងណា សាក្សីដែលឃើញហេតុការណ៍នេះជាច្រើននាក់នៅកន្លែងកើតហេតុ បាននាំគ្នានិយាយថា ហេតុការណ៍ផ្ទុះអាវុធនេះ មិនមែនជាការផ្ទអាវុធគំរាមកំហែងក្បួនដង្ហែរបស់បក្សនយោបាយ នោះទេ តែវាកើតឡើងមកពីជំហរគាំទ្ររបស់បក្សនយោបាយរបស់ភាគីទាំងសង ខាងខ្លាំងក្លាពេក បង្កជាជម្លោះតែម្តងទៅ ដូច្នេះវាមិនមែនជាការបាញ់ក្នុងបំណងគំរាមកំហែងដល់គណបក្ស សង្គ្រោះជាតិនោះឡើយ គឺបាញ់បោះទប់ស្កាត់កុំឱ្យសមាជិកបក្សសង្គ្រោះជាតិបុកចូល ក្នុងផ្ទះរបស់គេតែប៉ុណ្ណោះ ។

ក្រោយពេលឃាត់ខ្លួនជនសង្ស័យហើយ ទើបក្បួនតវ៉ារបស់គណបក្សសង្គ្រោះជាតិរាប់រយនាក់ ព្រមទាំងនាំគ្នារំសាយ ហើយលោកហូ វណ្ណ ក៏ត្រូវបានសមត្ថកិច្ចនាំខ្លួនឡើងជិះរថយន្តធុនត្រាទៅកាន់ ទីបញ្ជាការដ្ឋានកងរាជអាវុធហត្ថ ដើម្បីទៅដោះស្រាយគ្នានៅទីនោះ ។ តែអ្វីគួរឱ្យសោកស្តាយ ក្រោយ ពេលរថយន្តធុនត្រារបស់មន្ត្រីកងរាជអាវុធ ដែលមានវត្តមានលោកហូ វណ្ណ នៅទីនោះទៅដល់ទីបញ្ជាការដ្ឋាន ស្រាប់តែសមាជិកសង្គ្រោះជាតិមួយចំនួនផ្ទុះកំហឹងទាញដុំថ្មគប់ រថយន្តមន្ត្រីអាវុធហត្ថបែកកញ្ចក់ខាងក្រោយ ទោះដឹងថា លោកហូ វណ្ណ នៅក្នុងនោះក៏ដោយ ។ ទង្វើនេះត្រូវបានសមត្ថកិច្ចចោទថា ជាចេតនាបង្កអំពើហិង្សារបស់សមាជិកសង្គ្រោះជាតិ ៕(KOH)

Hot News

Saturday, July 27, 2013

គជប អះអាងថា ទឹកខ្មៅជ្រលក់ដៃអ្នកបោះឆ្នោត មិនអាចលុបជ្រះបានទាំងស្រុងនោះទេ

Samsung លក់ស្មាតហ្វូនបាន ៧៦លានគ្រឿងក្នុងត្រីមាសទី២

កម្មការិនីរោងចក្រ ឃ្យូ អឹុម អាយ ជាង100នាក់ដួលសន្លប់បន្តបន្ទាប់

Saturday, July 6, 2013

ជម្លោះពាក្យសម្តីរហូតផ្ទុះអាវុធ ជនសង្ស័យ២នាក់សមត្ថកិច្ចឃាត់ខ្លួន

Comments system

Disqus Shortname

Saturday, July 27, 2013

គជប អះអាង​ថា ទឹក​ខ្មៅ​ជ្រលក់​ដៃ​អ្នក​បោះ​ឆ្នោត មិន​អាច​លុបជ្រះ​បាន​ទាំង​ស្រុង​នោះ​ទេ

Samsung លក់​​ស្មាត​ហ្វូន​​បាន ៧៦​លាន​​គ្រឿង​​ក្នុង​​ត្រី​មាស​​ទី​២

កម្មការិនី​រោង​ចក្រ ឃ្យូ អឹុម អាយ ជាង​100​នាក់​ដួល​សន្លប់​បន្ត​បន្ទាប់

Saturday, July 6, 2013

ជម្លោះ​ពាក្យ​សម្តី​​រហូត​ផ្ទុះ​អាវុធ ជនសង្ស័យ​២នាក់​សមត្ថកិច្ច​ឃាត់ខ្លួន

Comments system

Disqus Shortname

គជប អះអាងថា ទឹកខ្មៅជ្រលក់ដៃអ្នកបោះឆ្នោត មិនអាចលុបជ្រះបានទាំងស្រុងនោះទេ

Samsung លក់ស្មាតហ្វូនបាន ៧៦លានគ្រឿងក្នុងត្រីមាសទី២

កម្មការិនីរោងចក្រ ឃ្យូ អឹុម អាយ ជាង100នាក់ដួលសន្លប់បន្តបន្ទាប់

ជម្លោះពាក្យសម្តីរហូតផ្ទុះអាវុធ ជនសង្ស័យ២នាក់សមត្ថកិច្ចឃាត់ខ្លួន