ព្រះមហាក្សត្រ ព្រះបាទសម្ដេចព្រះបរមនាថ
នរោត្តម សីហមុនី មុនយាងទៅកាន់ប្រទេសចិន នាអាកាសយានដ្ឋានអន្តរជាតិ
នៅថ្ងៃទី២២ កក្កដា ឆ្នាំ២០១២។
ទាក់ទងនឹងព្រះរាជដំណើររបស់ព្រះករុណា ព្រះបាទសម្ដេច ព្រះបរមនាថ នរោត្តម សីហមុនី នេះ ព្រះអង្គម្ចាស់ ស៊ីសុវត្ថិ ធម្មិកោ ទីប្រឹក្សាអមព្រះរាជខុទ្ទកាល័យព្រះមហាក្សត្រ មានបន្ទូលថា ព្រះមហាក្សត្រយាងទៅប្រទេសចិនលើកនេះ គឺព្រះអង្គយាងទៅដើម្បីពិនិត្យព្រះរាជសុខភាពជារៀងរាល់បីខែម្ដង។ មួយវិញទៀត ព្រះករុណានឹងចូលបង្គំគាល់ព្រះរាជបិតា និងព្រះរាជមាតារបស់ព្រះអង្គ។
ព្រះអង្គម្ចាស់ ធម្មិកោ មានបន្ទូលបន្តថា ព្រះមហាក្សត្រអាចនឹងយាងត្រឡប់មកកម្ពុជាវិញ ក្នុងរយៈពេលប្រហែលកន្លះខែក្រោយ៕
