យោងទៅតាមប្រភពព័ត៌មានអា អែហ្វ
ប៉េចេញផ្សាយកាលពីថ្ងៃចន្ទ ទី៣០ មេសា ឆ្នាំ២០១២
បានឱ្យដឹងថា លោកClive Palmer
មហាសេដ្ឋីអូស្ត្រាលីមានគម្រោងកសាងនាវាទីតានិចទីII
ដែលជាការបង្កើតថ្មីសម្រាប់សវត្សទី២១នេះ ។
គម្រោងកសាងនាវាទីតានិចទីII
នឹងត្រូវដំឡើងនៅក្នុងប្រទេសចិន
តែគេមិនបានបង្ហើបប្រាប់ពីតម្លៃនៃការកសាងនោះទេ ។
ការកសាងនេះ គ្រោងនឹងបញ្ចប់នៅឆ្នាំ២០១៦ ។
លោកClive Palmer បានបន្តឱ្យដឹងទៀតថា
នាវាទីតានិចទីII
នេះមានរូបរាងដូចគ្នាពិតប្រាកដទៅនឹងនាវាទីតានិចទី I
ដែលបានលិចក្នុងមហាសមុទ្រអាត្លង់ទិច កាលពីថ្ងៃទី១៥ ខែមេសា
ឆ្នាំ១៩១២ ដែលបានសម្លាប់មនុស្សអស់១.៥០០នាក់ ។
ទោះបីនាវាតានិចទីII មានរូបរាងដូចគ្នាទៅនឹងនាវាទីតានិចទី I
ក្តី
តែវាជាដែលមានលក្ខណៈបច្ចេកវិទ្យាទំនើបជាងជាពិសេស
ប្រព័ន្ធបង្ហាញផ្លូវ និងសុវត្ថិភាព ។
ក្រោយពីបញ្ចប់ការកសាងរួចរាល់នាវា
ទីតានិចទីIIនេះ
នឹងធ្វើដំណើរពីអង់គ្លេសទៅកាន់ទីក្រុងញូវយ៉កសហរដ្ឋ
អាមេរិក នៅចុងឆ្នាំ២០១៦ខាងមុខនេះ ៕
